Parkieland: (012) 460 1976   |   Laerskool: (012) 460 7201

  • V3 Banner 01
    HIER KRY ONS VLERKE…
  • V3 Banner 02
    WAAR ELKE KIND TEL…
  • V3 Banner 03
    WERK HARD, SPEEL LEKKER!
  • V3 Banner 04
    UITNEMENDHEID
  • V3 Banner 05
    ONS GEE OM!
  • V3 Banner 06
    WERK HARD, SPEEL LEKKER!
  • V3 Banner 07
    WAAR ELKE KIND TEL…

Wat bied skaak u kind?

Skaak is ‘n wonderlike sport wat u kind die geleentheid bied om sy of haar vermoëns om te leer, te dink en vooruit te beplan te ontwikkel. Dit versterk ook die geheue en wiskundige vermoëns.

Ons skool is bekend vir puik skaakprestasies. Ons spog met verskeie provinsiale en nasionale skaakspelers. Ons was al wenners van die Super 12, Gauteng en D4 kampioenskappe en ons is gereeld ligawenners.

Ons Gr. 0 Menlomaters doen Mini Chess in die klas en word so blootgestel aan skaak vanaf ‘n jong ouderdom.

Die Grondslagfase (Gr. 1-3) kry elke tweede week afrigting in hul klasse by Mnr. Hendrik Hoek.

Registrasie

  • Ons moedig alle skaakspelers aan om op die Tshwane webwerf te registreer. (www.tshwanechess.co.za)
  • Geregistreerde spelers kry ‘n gradering (“rating”) wat verbeter namate u kind in toernooie speel. ‘n Gradering is ook noodsaaklik indien u kind wil kwalifiseer vir individuele provinsiale en/of nasionale kleure.

“Facebook”-blad

  • Besoek gerus Menlo Skaak op Facebook en “like” die bladsy. Die blad word deur een van ons ouers op ‘n gereelde grondslag opgedateer en u sal al die inligting rondom toernooie op die blad vind.

Toernooie

  • Toernooie vind gewoonlik op ‘n Saterdag plaas en word op www.tshwanechess.co.za geadverteer. Registrasie vir toernooie vind aanlyn plaas.

Gr. 0-skaakspelers

  • Menlomaters wat skaak wil speel kry Woensdae (7:30) by Mnr. Hendrik Hoek groepsafrigting

Gr.1-skaakspelers

  • Graad 1-leerlinge wat skaak wil speel kry op Woendsae (13:30-14:30) by mnr. Hendrik Hoek groepsafrigting.
  • Graad 1-leerlinge speel nie ligawedstryde teen ander skole nie.

Gr. 2-7 skaakspelers

  • Ten einde gekies te word in ‘n ligaspan moet graad 2-7 skaakspelers gedurende die eerste kwartaal op Woensdae (13:30-14:30) uitspeel
  • Gedurende die tweede kwartaal neem ons spanne aan die liga deel waar ons teen spanne van ander skole speel.
  • Gr. 2-3 spelers word aangemoedig om op Maandae (13:30-14:30) groepsafrigting te ontvang (teen betaling)
  • Gr 4-7 spelers word ook aangemoedig om op Maandae (13:30-14:30) by Sandra van der Venter groepsafrigting te ontvang. (teen betaling)

Menlo Ope toernooi

  • Hierdie toernooi vind op die eerste Saterdag van die derde kwartaal plaas.

Super 12-toernooi

  • Ons skool skryf ‘n junior- en ‘n seniorspan vir die Super 12-skaaktoernooi in. Leerlinge word gekies op grond van ‘n ranglys, wat tydens die uitspele op ‘n Woensdag bepaal word.

Afrigters

Me. Sandra van de Venter: 082 417 0817
Mnr Hendrik Hoek: 082 920 2504

Organiseerder

Michelle Erasmus
Tel: (012)460-7201
Epos: Menlolaer@menlolaer.co.za

ONS ONDERSTEUN GRAAG

“Die organisasies betaal vir die advertensiespasie. Laerskool Menlopark distansieer hulle van enige opinies of gedrag wat deur die
adverteerders gehuldig mag word en teenstrydig is met die etos en kultuur van Laerskool Menlopark”

.